Kantu ikasketak Juan Eraso Maisuarekin burutu zituen. Ganbera-musika eta piano ikasketak Fraderic Gevers, Albert Jimenez Atenelle eta Jordi Moranekin burutu zituen.

Zuzendaritza arlo praktikoari dagokionez, 1988tik 1991ra arte, Errenteriako Orereta Abesbatza zuzendu zuen.

1994an, Andra Mari Abesbatzako piano-jole izendatu zuten eta 1996an Oinarri Abesbatzako (Andra Mari Abesbatzako gazte taldea) zuzendari. 1998an, Europako Gazte Abesbatzako piano-jole lanetan aritu zen Johanes Prinz-en zuzendaritzapean. 1999an, Errenteriako Orereta Abesbatzako (Andra Mari Abesbatzaren haur taldea) zuzendaria izendatu zuten. 1999az geroztik, Jose Manuel Tife Iparragirre jaunak zuzendutako Errenteriako Andra Mari Abesbatzaren zuzendariordea da.

2002.urtean ahots teknika lanketa klaseak “Conservatoire National de la Region Bayonne Côte–Basque”n ematen hasi zituen.

Euskadiko eta Bilboko Orkestrekin, Maria Mendizabal, Josetxo Silgero eta beste bakarlari askorekin batera pianista laguntzaile lanak egin eta emanaldiak eskaini ohi ditu.