2018.eko uztailaren 18a, asteazkena

euskara | castellano
 
Orereta Abesbatza
 
Orereta Abesbatza

Orereta Abesbatza Andra Mari Abesbatzaren haurren korua da. 1968an sortu zuen Jose Luis Ansorenak eta Joxan Pascualek zuzentzen du 2015eko apirilez geroztik. Orereta Abesbatza koru gazte bezain esperientziaduna da, bere bikaintasuna eskarmentu eta lan horretan datza. Horrek eraman du ohikoa izatea Euskal Herriko abesbatzen zirkuituan eta zilarrezko hiru sariak irabaztea Shaoxing, Txinan burutu zen 2010eko “Word Choir Games” abesbatzen nazioarteko olinpiadetan.

Euskal Herrian Orereta Abesbatzak Donostiako Musika Hamabostaldian, Eliza-Musika Zikloan, Donostiako “Aita Donostia” musika astean eta ipar Euskal Herriko Festival Côte Basque jaialdietan abestu izan du. Hortik aparte, Shangain, Expo 2010ren baitan, , Saint Server-en  eta Castelnaudaryn  (Frantzian) emanaldiak eskaini ditu, eta horrekin batera Donibane Lohizunen bezala Euskal Herriko eta espainiar Estatuko hainbat hirietan.

Abesbatzaren gaitasuna eta bikaintasunaren erakusle dugu 1997an Juan Jose Menak zuzenduta Orereta Abesbatzak J.S. Bach-en “La Pasión Según San Mateo” eskaini izana. 2004. Urtean Islandiako Kópavogur herrian burutu zen Europa Cantat nazioarteko musika jaialdian parte hartu zuen. Susan Knight zuzenduta lan emanaldiak egin zituen . 2005. urtean Musikenek, Euskal Herriko Goi-mailako Musika Ikastegiak Claire Marchand Parisko goi-mailako Kontserbatorioko irakasleak zuzenduta egin ziren    gazte abesbatzen zuzendarientzako ikastaroetan abesbatza pilotu izan zen.  2005. eta 2009. urtetan Kataluniako  Cantonigros Nazioarteko Musika Jaialdian parte hartu eta hirugarren saria jaso izan zituen. 2006an Galeseko LLangollengo Nazioarteko Musika Jaialdian parte hartzeko aukeratu izan zen. 2007an Torreviejako Gazte Abesbatzen Habanera jaialdian parte hartu zuen eta urte berean, Tolosan burutu zen Nazioarteko 39. Abesbatzen Lehiaketan  eta 1. Bartzelona Hiria Nazioarteko Gazte Abesbatzen Lehiaketan parte hartu zuen. 

40. urteurrena bete zuen 2008. urtean, Orereta Abesbatzak hirugarren saria eta urrezko diploma bana irabazi zituen Torreviejako XIV. Gazte Abesbatzen Lehiaketan, horrekin batera urte horretan Europa Cantat nazioarteko biltzarrean abesbatza pilotu izan zen, Karl Pollenen jaunak zuzenduta.

Orereta Abesbatzak Aitor Amezagak konposatu zuen “La sombra de nadie” Pablo Malok zuzendutako pelikulako soinu banda grabatu zuen  2006an. Horrekin batera honako diskoak ditu grabatuta:   “Eguberri Abestiak” (1978);  “Oi Betleem”, Euskadiko Orkestra Sinfonikoarekin batera grabatutako diskoa (1991);  “Ilusio tanten dizdira” (2008).

 

NOR GARA

Zuzendaria

Sortzailea

 
   
Gobierno VascoDiputación Foral de GipuzkoaAyuntamiento de ErrenteriaKultura KreaktiboaKutxa FundazioaGipuzkoako abesbatzen federazioa