HELBURU NAGUSIAK

● Kantuarekiko zaletasuna piztea eta indartzea.

● Bat-bateko soinu eta erritmoak sortzea.

● Ahotsa eta gorputza musikaren errepresentazio eta komunikazio instrumentu gisa erabiltzea.

● Ingurune ezberdinetako soinuak antzematea eta bereiztea: mendia, etxea, kalea…

● Batez ere, bakoitzak barruan duen sormena kanporatzea.

● Musika ezagutu eta bere bidez gozatzea.

Hau guztia lantzeko musikaren lau alor garrantzitsuak lantzen ditugu klase guztietan:

- Entzumena: ipuin musikalak, musika mota ezberdinak entzun, soinuak bereiztu…

- Ahotsa-kantua: beroketak, jolas kantak, kanta herrikoiak…

- Erritmoa: erritmo jolasak, galdera-erantzunak, kantak musika tresnekin lagundu...

- Gorputz adierazpena: dantza askea, dantza errazak, mugimendu lasaia, erlajazioa...

Bestalde, musikaren txokoa deitzen diogun alorraren barruan, urtero, etxetik ekarriko dituzten gauzekin musika tresnak eraikiko ditugu.

Jarduera ugari egiten ditugu eta denak jolasen bidez, musikak jolasgarria izan behar baitu eta, esan daiteke, jolasa dela musika klaseen espresio bide nagusiena.